Не е препорачливо да се земе кредит за да се вложат парите на берза затоа што за инвестирање во хартии од вредност најдобро е да се користат заштедени пари.
Но, дали е секогаш така?
Во изминативе пет години се случија навистина драматични промени на финансиските пазари, па затоа порталот pari.com.mk направи анализа којашто покажа дали се исплатеше да се земе потрошувачки кредит пред пет години за да се купат акции од пет компании со чии акции најмногу се тргува на Македонската берза.
Просечната фиксна каматна стапка на потрошувачки кредит во денари и со рок на отплата до пет години во декември 2019 година кај големите банки изнесуваше 5,73%, а кај средните банки 5,02%. Ако некој инвеститор решил да ризикува и во тој месец подигнал потрошувачки кредит во износ од 600.000 денари со фиксна каматна стапка од некоја од големите банки, со рок на отплата од 5 години, на крајот на банката ќе треба да и врати околу 700.000 денари. На овие износи треба да се додадат и еднократните трошоци за аплицирање и администрирање на кредитот, кои може да изнесуваат од 6.000 до 12.000 денари.
Да видиме сега колкав бил ценовниот раст кај акциите од пет компании на Македонската берза коишто се најатрактивни за инвеститорите во изминативе пет години. Дали растот на цената на овие акции би го оправда…
