WIZZ AIR превезе рекордни 60,3 милиони патници во 2023 година

СО РЕЧИСИ 100 ЛАНСИРАНИ рути ВО ЦЕЛА ГОДИНА, АВИОкомпанијата РЕГИСТРИРА 32% РАСТ НА СООБРАЌАЈ НАспроти 2022 година

2,2 МИЛИОНИ ПАТНИЦИ ВО СЕВЕРНА МАКЕДОНИЈА, 30% ЗГОЛЕМУВАЊЕ ВО СПОРЕДба со 2022 ГОДИНА

Wizz Air, најбрзо растечката и најеколошки одржливата авиокомпанија во Европа на глобално ниво*, се гордее што ја заврши 2023 година уште еднаш соборувајќи го сопствениот рекорд – над 60 милиони патници избраа да патуваат со авиокомпанијата минатата година, што е досега највисокиот годишен патнички сообраќај за WIZZ и пораст од 32% во споредба со 2022 година. Во 2023 година Wizz Air започна речиси сто нови линии, испорача 32 сосема нови авиони Ербас А321нео и прелета 263 милиони километри заедно.

Во 2023 година авиокомпанијата изврши 99,31% од своите планирани летови, што е трет резултат меѓу сите европски авиокомпании и многу над просекот во индустријата. Wizz Air исто така се рангираше во ТОП-3 авиокомпании во Европа според уделот на летови извршени точно на време.

Тоа беше година на рекорди за Wizz Air: неговите просечни емисии на јаглерод за 2023 година изнесуваа 51,5 грама по патник/км, 6,8% пониски отколку во 2022 година. Ова го претставува најнискиот просечен резултат на Wizz Air со просечен годишен интензитет на јаглерод, забележан во една календарска година, што го поткрепува неговото лидерство во намалувањето на интензитетот на CO2 меѓу конкурентите.

Во 2023 година, Wizz Air стана изборот на 2,2 милиони патници во Северна Македонија, што претставува зголемување од 30% во споредба со 2022 година. Авиокомпанијата им нуди на патниците преку 30 линии до 15 земји од својата база во Скопје. „Wizz Air“ реализираше над 10 илјади летови до и од Северна Македонија во 2023 година, а во исто време значително ги подобри оперативните перформанси, достигнувајќи 99,1% стапка на извршени летови.

Менаџерот за корпоративни комуникации на Wizz Air, Тамара Никифорова, изјави: „Горди сме и среќни што ја завршивме 2023 година со рекорден патнички сообраќај, со мрежа која постојано се развива, со напредна флота и со подобрени оперативни перформанси додека ги задржуваме највисоките стандарди за одржливост во индустријата. Северна Македонија е еден од клучните пазари во мрежата на Wizz Air и ние сме горди што сме водечка авиокомпанија во земјата. Следната година ќе славиме 20 години од ослободувањето на животите на луѓето преку патувања по пристапни цени и едвај чекаме да ги споделиме сите возбудливи авантури и незаборавни моменти кои доаѓаат со нашите патници.

Според CAPA – Centre for Aviation Awards for Excellence 2022-2023