Уште 14,2 милиони за компаниите – Досега пласирани 217,5 милиони евра од унгарскиот кредит

Бизнисот добива поддршка од 14,2 милиони евра. Министерството за финансии од Буџетот изврши исплата на две нови транши кон Развојната банка наменета за домашните компании.Се работи за износи од 305 милиони денари и од 568 милиони денари. Вкупно 873 милиони денари или 14,2 милиони евра.

Со исплатата на овие транши вкупната поддршка на државата кон домашната економија изнесува 217,5 милиони евра од вкупно планираните 250 милиони евра, посочуваат од Министерството за финансии.

„Владата средствата ги обезбеди преку кредитна линија од унгарската Експорт-импорт банка, со цел поддршка на домашната економија, а преку пласман на средства по поволни услови за компаниите за реализација на приватните инвестиции во развој на компаниите и поттикнување на економскиот раст. Средствата се пласираат до крајните корисници преку деловните банки, каматната стапка е 1,95% годишно и рок на отплата до 15 години и грејс период до 3 години.

Вкупниот буџет за поддршка на домашните компании предвидени во Буџетот изнесуваат 250 милиони евра, а вредноста на инвестицискиот циклус се проценува на околу 300 милиони евра“, соопштија од финансии.