Пораст на работни места во САД, вработените се откажуваат од работа

Во САД регистрирано е отворање на работни места во јули со оглед на тоа што  повеќе работници се откажаа од работата во трговијата на мало, како и во индустријата за професионални и деловни услуги, најверојатно поради стравувањата од изложеност на Ковид 19 и проблемите со грижата за децата.

Побарувачката за работна сила, порасна за 617 000 на 6,6 милиони на последниот ден од јули, соопшти Министерството за труд во своето месечно истражување за отворање работни места и истражување на трудот. Сепак, слободните работни места остануваат под нивото од 7 милиони во февруари.

Стапката на отворање работни места се искачи на 4,5% од 4,2% во јуни. Бројот на лица кои доброволно се откажале од работата се зголемил од 344,000 на 2,9 милиони. Евидентирани се 152.000 работници кои се откажале од работата во малопродажниот сектор. Дополнително во секторот за професионални и деловни услуги, заминале 98.000 работници. Државните и локалните образовни институции објавија дека  дека 35.000 работници се откажале во јули.

Извештајот следуваше после вестите дека економијата отвори 1,371 милиони работни места во август, во споредба со 1,734 милиони во јули. Обновени се околу 10,6 милиони од изгубените 22,2 милиони работни места во услови на пандемија предизвикана од Ковид 19.