Репликата од познатата слика на Мона Лиза е продадена за неверојатни 3,4 милиони долари

Репликата на светски познатата слика на Мона Лиза насликана од уметникот Леонардо да Винчи, е продадена на еден европски колекционер за околу 3,4 милиони долари во аукциската куќа Кристи.

Репликата, позната како „Hekking Mona Lisa“, се очекуваше да биде продадена за 200.000 до 300.000 евра на интернет-аукцијата, но сепак беше продадена за 10 пати повеќе.

„Ова е лудило, ова е апсолутен рекорд за репродукција на „Мона Лиза“, рече портпаролот Кристи.

Според нејзиниот претходен сопственик, Рејмонд Хекинг, се верувало дека репликата ја насликал италијанскиот сликар на почетокот на 17 век. Според неговата изјава, тој ја поседувал вистинската „Мона Лиза“, но сличната копија на оваа скапоцена уметност била вратена во Лувр, откако сликата била украдена во 1914 година.

Поголемиот дел од својот живот го посветил на докажување дека сликата што ја купил за четири долари е оригинален примерок од Леонардо, додека делото во Лувр е копија.

„Ова дело и неговата историја ја илустрираат фасцинацијата што ја имаше Мона Лиза и аурата на уметникот Леонардо да Винчи“, соопшти аукциската куќа.