Реименувани тројца членови на Надзорниот одбор на НЛБ банка

Хедвика Усеник, Андреја Стражишар и Кристина Ковачич Бјелајац и во наредните четири години ќе учествуваат во работата на Надзорниот одбор на НЛБ банка. Известувањето за нивното повторно именување е објавено на Македонска берза.

„Ве известуваме дека на ден 22.08.2025 година, од страна на Народната Банка на Република Северна Македонија издадени се решенија со кои се издава претходна согласност на Г-ѓа Хедвика Усеник, Г-ѓа Андреја Стражишар и Г-ѓа Кристина Ковачич Бјелајац да бидат повторно именувани за членови на Надзорниот одбор на НЛБ Банка АД Скопје со нов мандат од 4 (четири) години, сметано од 31.08.2025“, наведено е во објавата.

Надзорниот одбор на НЛБ банка работи во состав: Хедвика Усеник во функција на претседател, Боштјан Ковач – заменик, Зоран Јовановски – втор заменик и независен член, како и членовите Андреја Стражишар, Кристина Ковачич Бјелајац и Наташа Пукл.