Продолжува соработката на ФИТР и NASA Space Apps Challenge Скопје: Целта е интеграција на иновативните проекти

Претприемничкиот начин на размислување и делување треба добива поддршка, а иновативните проекти на младите претприемачи мора да се поттикнуваат. Тоа е заедничкото гледиште на директорот на Фондот за иновации и технолошки развој, Фестим Халили, претставниците на NASA Space Apps Challenge од Скопје и Струмица Владимир Бидиков и Зорица Масникоса Поп-Трајкова.

ФИТР и понатаму ќе дава поддршка за NASA Space Apps Challenge хакатоните во Македонија, на локациите во Скопје и Струмица, а има можност и за проширување на активностите во други општини и вклучување на учесници од училиштата на национално ниво.

На средбата во ФИТР присуствуваше и Мартина Димоска која ги води NASA Space Apps Challenge Mountain View, Silicon Valley, California и NASA Space Apps Challenge Cleveland, Ohio, чија поддршка ќе овозможи учесниците да имаат пристап до NASA Ames и NASA Glenn истражувачките центри, за време на одвивањето на хакатонот.

Оттаму и заедничката цел – интегрирање на сите иновативни проекти произлезени од учесниците и нивна реализација, со што ќе се придонесе за остварување позитивни промени во општеството.