ОД ДЕНЕСКА нула проценти ДДВ за лебот, брашното, зејтинот, млекото…

Од денеска маркетите кои продаваат основни прехранбени производи мора да ги имаат прилагодено фискалните апарати со даночна стапка од 0%. Станува збор за сите маркети кои продаваат леб, брашно тип -400, млеко со масленост од 2%, 3,2% и 3,5 % масленост, бел шеќер, сончогледово масло, месо и други кланични производи за јадење, бел ориз. Ова значи дека од денеска 17 март продажните објекти што ги продаваат овие производи мора да ги имаат прилагодено фискалните апарати така што потребно е да издаваат фискална сметка со даночна стапка од 0%, односно со ознака „Г“ за добра и услуги кои се ослободени од данокот на додадена вредност.

Законската обврска произлегува од Законот за изменување и дополнување на Законот за додадена вредност со кои се пропишува ослободување од оданочување со ДДВ за основните производи за исхрана. Оваа одлука ќе трае до 31 мај 2022 година и е дел од владините мерки за спрвување со растечката инфлација.