НБРМ: И фирмите и граѓаните зависни од банкарските кредити

Вкупните депозити во банките лани оствариле раст од 4,9 насто (само во декември порастот бил 2,6 проценти), а кредитите 9,4 проценти, со тоа што во последниот месец од 2022 бележат зголемување од 1,4 проценти. Движењата кај кредитирањето, според НБРСМ, се должи на зголемената побарувачка и од граѓаните и од корпоративниот сектор, кој доминира во овој поглед.

Забележано е и зголемување на паричната маса. На годишно ниво за 5,3 насто, што е резултат на повисоките краткорочни депозити и на депозитните пари, а нешто помало е влијанието на готовината во оптек. А, само во декември растот е 2,8 проценти, и како што објаснуваат од НБРМ, поради зголемениот обем на депозитите, на готовитната во оптек,но и заради краткорочните депозити.

Кај корпоративниот сектор, декемвриските депозити пораснале за 3,3 проценти, а споредено со истиот месец 2021 година зголемувањето е за 3,7 насто, што е резултат на поголемите девизни и денарски краткорочни депозити, а паралелно со тоа има пад кај долгорочните депозити.

Годишниот раст, пак, на користење кредити во овој сектор е 11,5 насто. Зголемување има и кај денарските и кај девизните кредити, но предничат вториве. Кредитите во денари преовладуваат во декември, каде што вкупното месечно кредитирање бележи пораст од 2,6 проценти.

Според НБРМ, во декември депозитите на домаќинствата се зголемиле за 2,7 насто, најмогу заради депозитите, каде доминираат долгорочните и денарски и девизни влогови. Во текот на тој месец има пад кај краткорочните девизни депозити. Инаку, на годишно ниво, граѓанските влогови се повисоки за 5,8 проценти.

Граѓаните пројавиле зголемен интерес и за кредити. Конкретно, годишниот раст е 7,3 проценти, при што повеќе се барале банкарски позајмици во странска валута. А, само во декември, кредитите кои биле само во девизи, пораснале за минимални 0,3 насто.

Податоците на Централната банка покажуваат дека најголемата побарувачка, а со тоа и најмногу одобрени кредити се потрошувачките со 0,7 и станбените кредити со месечен раст од 1,2 проценти, додека на годишно ниво зголемувањата се 6,3, односно 12,7 насто. За автомобилските кредити помалк бил интересот во декември, 0,2 отсто, а годишно ниво растот е 9,1 насто.

Задолжувањето кај банките преку кредитни картички во текот на годината се зголемило за 0,7, а во декември опаднал за 0,9 проценти.