Мицкоски: Македонскиот ветер ќе донесе дополнителни 100 милиони евра годишно во БДП

Ивестицијата во ветерен парк од над 400 милиони евра ќе донесе дополнителни сто милиони евра годишно во БДП, порача премиерот Христијан Мицкоски, кој по официјалниот чин на примопредавање на функцијата првиот работен ден го почна во Штип. Како што најави, вакви проекти ќе има во иднина.

„Македонскиот ветер ќе донесе дополнителни 100 милиони евра годишно во БДП. Проектот ќе го објавиме утре, заедно со инвеститорот. Ветерниот парк ќе биде изграден меѓу трите општини, Карбинци, Штип и Радовиш. Се работи за инвестицијата од 400 – 450 милиони евра. Ова е исклучително значаен проект за енергетското портфолио на државата, кој значително ќе го подобри перформансот на нашиот енергетски сектор. Нема специјални закони, нема загарнтиран откуп по загарантирна цена за 20 – 30 години, туку инвеститор кој ќе инвестира 450 милиони евра, а државата ќе добие за 100 милиони евра поголем приход во БДП што треба да донесе 20 отсто од вкупното производство на струја што ќе ја направи енергетски балансирана земјава“, наведе Мицкоски.