Македонскиот пензиски систем влегува во клучната фаза на трансформација од воведувањето на вториот столб досега. Агенцијата за супервизија на капитално финансирано пензиско осигурување (МАПАС) најави дека во наредниот период ќе се развиваат нови модели за исплата на пензиите и ќе се воведат мултифондови.
Оваа реформа веќе се применува во најголем дел од европските пензиски системи и значително го менува начинoт на инвестирање на акумулираните средства. Советот на експерти на МАПАС потврди дека Владата има формирано повеќе работни групи кои работат на оваа реформска агенда.
Според Дарко Саздов, член на Советот, масовната исплата на пензии од вториот столб ќе започне околу 2030 година. До 2040 година, бројот на пензионери од вториот столб ќе достигне 12-13 илјади лица, што ја прави реформата итна и суштинска.
Во моментов, Владата и регулаторот активно…
