„Макошпед“ во првата половина од годината со добивка, но намалена за над 37% од лани

„Макошпед“ АД Скопје за периодот јануари – јуни 2024 година оствари добивка од  4.07 милиони денари искажана во неревидираниот Биланс на успех и е намалена за околу 37,5% во однос на истиот период лани, чија што добивка изнесувала 6,5 милиони денари. А оствари добивка во износ од 2,9 милиони денари искажана во неревидираниот консолидиран Биланс на успех, и е намалена во однос на 2023 година, чија што изнесувала 6,5 милиони денари.

„Макошпед“ е првата и најстара шпедитерска компанија во земјава . Основна дејност на компанијата е меѓународна шпедиција и транспорт и јавни и цариснки складишта.

Остварените вкупни приходи на компанијата за првата половина од годината изнесуваат 16,4 милиони денари и во споредба со остварените вкупни приходи за истиот период 2023 година бележат намалување.

Оперативните приходи изнесуваат 12,5 милиони и бележат значително намалување во однос на оперативните приходи за истиот период од  2023 година.

Финансиските приходи изнесуваат 3,9 милиони денари и истите бележат намалување во однос на финансиските приходи во истиот период во 2023 година.

Вкупните расходи за период јануари – јуни 2024 година во износ од 12,4 милиони денари бележат намалување во однос на вкупните расходи за истиот период лани.

И оперативните расходи во периодот јануари – јуни 2024 година изнесуваат околу 12,4 милиони денари и тие бележат намалување во однос на минатата година.

Финансиските расходи изнесуваат еден милион денари и бележат намалување во однос на финансиските расходи за истиот период 2023 година.

Остварените консолидирани вкупни приходи за период јануари – јуни 2024 година изнесуваат 20,1 милиони денари и во споредба со остварените консолидирани вкупни приходи за истиот период 2023 година бележат намалување.

Консолидираните оперативни приходи за период јануари – јуни 2024 година изнесуваат 16,2 милиони денари и бележат намалување во споредба со остварените оперативни приходи за истиот период 2023 година,

Консолидираните финансиски приходи изнесуваат 3,9 милиони денари и бележат намалување во споредба со остварените финансиски приходи за истиот период 2023 година.

Консолидираните вкупни расходи првава половина од годината се во износ од 17,2 милиони денари и бележат намалување во однос на вкупните расходи  од лани.

Консолидираните оперативни расходи првите два квартала изнесуваат 17,2 милиони денари и бележат намалување во однос на истиот период 2023 година.

Консолидираните финансиски расходи  изнесуваат еден милион денари и бележат намалување во однос на финансиските расходи за истиот период минатата година.