МАКЕДОНИЈА СО НАЈБРЗО РАСТЕЧКИ АВИОПАЗАР меѓу земјите надвор од ЕУ во април, според ACI Europe

Авиосообраќајот во Северна Македонија бележи најголем подем меѓу сите земји надвор од Европската Унија, според најновиот извештај на Советот на интернационални аеродроми ACI Europe за април 2024. Според АЦИ, порастот на авиосообраќајот во нашата земја, кој во април изнесувал 30,6%, ја става Македонија на лидерската позиција, како растечки пазар, пред Албанија (+25,3%) и Молдавија (+24,6%). Според податоците, овој резултат ја позиционира државата како регионален лидер во закрепнувањето на авијацијата по пандемијата и ја става пред другите пазари како Казахстан, Албанија и Узбекистан, кои исто така бележат силен раст.

Во европски рамки, патничкиот сообраќај на аеродромите пораснал за 8.5% во април 2024 во споредба со истиот месец минатата година, што претставува речиси целосно закрепнување – само 0.2% под нивото од 2019 година. Земјите надвор од ЕУ бележат раст од 13.4%, предводени од Казахстан со импресивни +150%, Албанија со +67%, Узбекистан со +54% и Турција со +19%. Во рамките на ЕУ, најдобри резултати имаат Естонија (+28%), Чешка (+18%), Словенија (+17%) и Полска (+17%), додека Финска (-30.6%), Словачка (-24.1%) и Словенија (-29.5%) се најдалеку од закрепнување.

Кај големите европски аеродроми, Лондон Хитроу останува најпрометен со раст од 4.8% во однос на април 2023. Истанбул бележи импресивен скок од 10.5% во однос на минатата година и дури 22.4% над нивото од 2019. Париз-CDG, Амстердам и Мадрид се меѓу првите пет, со различни резултати – Париз сè уште е под нивото од 2019, додека Мадрид е над него со +6.7%.

(Фото: Stas Kozlovskiy – Own work, CC BY-SA 4.0)