Почна пребројувањето на заработувачката од вакцините, Астра Зенека ги објави приходите

Фармацевтската компанија Астра Зенека објави дека продажбата на вакцини во првиот квартал и донесе приход од 275 милиони долари, што е повеќе од очекуваното. Ова е првиот производител на лекови што објави финансиски детали за дистрибуција и продажба на вакцини. Компанијата објави дека нема да оствари профит од вакцините за време на пандемијата, пренесува порталот Кликс.

Вкупните приходи на компанијата, кои вклучуваат плаќања кои произлегуваат од соработка со други компании, се зголемија за 11 проценти во првите три месеци од годинава и достигнаа 7,32 милијарди долари.

И германскиот производител Synlab произведе 11,6 милиони PCR тестови минатата година и им донесе 620 милиони евра промет од вкупно 2,6 милијарди промет на целиот концерн. Корона им донесе 38 проценти зголемување на прометот. Оваа година сметаат на нов раст од 17 проценти, пишува Дојче веле.

Ова се само некои од примерите за голема заработка на фармацевтите. Покрај зголемената продажба, многу од нив отворија и нови пазари, што во иднина отвора простор за пласман на целата нивна стока.

Според податоците на Еуростат, Словенија има најголем пораст на увозот на медицински помагала, од 31 процент, но и втор најголем пораст на извозот – 42 проценти. На прво место според увозот на медицински помагала минатата година била Грција, каде што извозот од овие добра се зголемија во споредба со 2019 година, дури 48 проценти.

Главните дестинации за извоз на медицински и фармацевтски производи надвор од Европската унија беа Соединетите држави (34 проценти од извозот на овие стоки од ЕУ отидоа на тој пазар), следени од Швајцарија (12 проценти), Велика Британија (8 проценти) и Кина (6 проценти).

Минатата година, Европејците купуваа најмногу медицински и фармацевтски производи од Швајцарија (35 проценти од вкупниот увоз на ЕУ), САД (28 проценти) и Велика Британија (12 проценти).

Помеѓу 2019 и 2020 година, трговијата со лекови од Швајцарија, Велика Британија и други земји се зголеми, со исклучок на увозот од САД.