ЌЕ ЈА ПРОДОЛЖИМЕ СОРАБОТКАТА СО ГРАЃАНСКИТЕ ЗДРУЖЕНИЈА, вети Герасимовски од СДСМ

Општина Центар е првата и единствена општина во државава која на своите граѓани им обезбедува социјални услуги, со поддршка на граѓански организации, преку лиценцирани даватели на услуги. а соработката ќе ја продолжиме и во иднина, истакнува Горан Герасимовски, досегашен градоначалник и кандидатот на СДСМ за градоначалник на Центар.

Герасимовски нагласува дека невладининиот сектор го сметаат за стратешки партнер, кој и досега учествувал во работи од витално значење на општината – од подготовка на буџетот до реализација на проекти и услуги за граѓаните – и ќе бидат тоа и во иднина. „Буџетот секоја година го носиме во соработка со граѓаните и нивните организации, кои предлагаат проекти и решенија“.

Изминативе четири години, истакна Герасимовски, општина Центар поддржала преку 50 граѓански организации, со кои реализирале проекти од областа на детската заштита, животната средина, младински активизам.