КБ Публикум Инвест предвремено го плати данокот на добивка за 2020 година во износ од 3,3 милиони денари

 

КБ Публикум Инвест изминатите месеци будно ја следи состојбата со Ковид 19 пандемијата. Со секојдневно информирање дознаваме за начините и можностите за полесно пребродување на случувањата кои веќе се зад нас, но и да имаме сценарија за идните настани. Внимателно ги слушаме потребите на нашите инвеститори, но и на општеството во кое сите ние живееме и работиме.

Согласно своите определби да остане општествено одговорна компанија, Друштвото реши да се солидаризира и да помогне на државните институции. За таа цел, како додаток на веќе направената донација, во целост и предвремено е платен данокот на добивка за 2020 година во износ од 3,325,510 денари.

Актуелната состојба и справувањето со неа, е сечија борба но и придонес. Ние во КБ Публикум Инвест сакаме да го максимизираме својот придонес, да бидеме солидарни, одговорни и да помогнеме за што побрзо враќање во нормала.

Истовремено, упатуваме апел за почитување на мерките против Корона вирусот, носење заштитна опрема и држење растојание со луѓето, со што личниот придонес ќе го направиме колективна победа, стои во објавата на КБ Публикум Инсвест АД Скопје.