Годишна инфлација под 3 проценти очекува Мицкоски

Инфлацијата ќе се стабилизира и годинава стапката ќе се спушти под три проценти, смета премиерот Христијан Мицкоски.

„Оваа година очекувам да се стабилизираме под 3 проценти да бидеме со годишната инфлација. Очекувам некој месечен негативен тренд, односно опаѓање споредено со минатата година. Минатата година во јануари имавме кошничка, така што очекувам оваа година да се движиме тука некаде, нешто можеби под или над 3 проценти, со тоа што ќе имаме негативна тенденција на месечно ниво“.

Државата е консолидирана, вели Мицкоски, затоа сега треба да се равива:

„Водиме домаќински политики, водиме политики коишто се во интерес на стандардот на граѓаните. Така работевме досега, во насока на консолидирање на состојбите во државата. Од една хаотична ситуација, распаднати институции, уништен систем, доаѓаме во ситуација да можеме да кажеме дека конечно сме консолидирани. Сега е потребно да ја развиваме Македонија онаква каква што ја посакуваат сите граѓани“.