Естонија нуди виза за „дигиталните номади“

Отсега натаму, сите луѓе кои работат на Интернет можат да ја вршат работата во Естонија легално, без страв од службата за имиграција.

Другите земји увидоа сериозен економски потенцијал во заострувањето на американската имиграциска политика, пред се преку привлекување талентиран персонал, односно зајакнување на нивниот пазар на труд. Така, благодарение на „увезениот“ персонал, Канада бележи голем раст на стартапи и нови деловни идеи, а тоа наскоро може да и се случи на малата балтичка држава.

Имено, Естонија создаде нова работна виза наменета исклучиво за „дигитални номади“, односно луѓе кои работат преку Интернет. Поради пандемијата, се повеќе луѓе работат „од дома“, а оваа земја верува дека може да привлече некои од нив.

Затоа им понуди можност легално да живеат во Естонија до една година, без многу документи.

Инфраструктурата за нивната работа е веќе обезбедена, од брз интернет до разни мрежни услуги. На пример, оваа земја многу сериозно ја сфати дигитализацијата и, меѓу другото, нуди можност за целосна комуникација со јавната администрација преку Интернет, електронско гласање на избори, добивање дигитални рецепти за лекови итн.

Прочитајте за светскиот тренд на дигитални номади.