Четири компании држат 67% од глобалниот клауд-пазар

Според податоците собрани од Sinergy Research Group, четирите компании поседуваат 67% од глобалниот пазар на клауд, вреден 130 милијарди долари. Лидер на клауд-пазарот е Amazon Web Services, кој има пазарен удел од 32%. Azure инфраструктурата на Мајкрософт има удел од 20%. Покрај споменатите компании кои доминираат на пазарот, 9% зазема Google Cloud, а Alibaba Cloud зазема 6% од глобалниот клауд-пазар.

Други клауд компании вклучуваат IBM Cloud, Salesforce, Tencent Cloud и Oracle Cloud, кои заедно сочинуваат 12% од пазарот.

Во четвртиот квартал од 2020 година, клауд услугите донесоа 37 милијарди долари, што е скок од 4 милијарди долари во однос на третиот квартал. Меѓутоа, додека светот веќе две години ужива да работи од дома, Амазон, Мајкрософт, Гугл и Алибаба имаат целосна контрола врз податоците на интернет. Со оглед на тоа што користиме значителен број бесплатни клауд услуги, за возврат се согласуваме овие компании да имаат пристап до нашите лични информации.