Бугарија станува водечки пазар за батериски системи во Европа

Бугарија забрзано се позиционира како еден од најбрзорастечките пазари за батериски системи за складирање електрична енергија (BESS) во Европа, поттикната од експанзијата на соларните електрани, растечката потреба за флексибилност во електроенергетските системи и силниот инвестициски циклус во utility-scale battery projects, пишува Energyandclimateindex.com.

Според годишниот извештај „EU Battery Storage Market Review 2025“ на Solar Power Europe, Европската Унија во 2025 година инсталирала рекордни 27.1 GWh нов капацитет за складирање, што претставува раст од 45% во однос на претходната година. Вкупниот battery storage капацитет во ЕУ достигнал 77.3 GWh, што е речиси десеткратно зголемување во споредба со 2021 година.

Извештајот покажува дека големите батериски системи за првпат станале главен двигател на растот на европскиот storage пазар, со удел од 55% од сите новоинсталирани капацитети во 2025 година.

Во истиот период, Бугарија се искачи меѓу водечките европски пазари за инвестиции во батериски системи. Според податоците објавени од S&P Global Commodity Insights, повикувајќи се на SolarPower Europe, Бугарија во 2025 година била трета во Европската Унија според новоинсталиран battery storage капацитет, веднаш зад Германија и Италија.

Во меѓувреме, растот дополнително се забрзува. Анализи базирани на податоци од ENTSO-E Transparency Platform и бугарскиот електропреносен оператор ESO Bulgaria покажуваат дека Бугарија моментално располага со околу 3.32 GW инсталиран капацитет на батериски системи и повеќе од 8.6 GWh капацитет за складирање, што е еквивалентно на повеќе од два и пол часа полнење или празнење со максимална моќност.

Анализите на европскиот battery storage пазар покажуваат дека Бугарија во моментов е меѓу најинтензивните пазари за батериски системи во светот во однос на големината на електроенергетскиот систем, економијата и бројот на жители. Battery storage капацитетите веќе претставуваат околу 16% од вкупниот производствен капацитет на електроенергетскиот систем, додека инсталираниот BESS капацитет изнесува околу 534 MW на еден милион жители и околу 26.1 MW на секои една милијарда американски долари БДП.

За споредба, глобалните пазари на батериски системи продолжуваат да растат со исклучително високо темпо. Според меѓународните организации за енергија, Кина моментално располага со околу 136 GW капацитет на батериски системи, додека во САД се инсталирани околу 46.7 GW батериски системи.

Батериското складирање станува клучно за европскиот енергетски систем

Податоците покажуваат дека Европа веќе се наоѓа во фаза на силна експанзија на енергетските складишта. Во моментов, оперативните капацитети достигнуваат околу 70 GW, додека дополнителни над 97 GW се очекува да бидат пуштени во работа до 2030 година. Дополнително, Европската Унија забрзано ги зголемува инвестициите во батериски системи за складирање електрична енергија како дел од пошироката енергетска транзиција.

Според анализата на Reuters и S&P Global Commodity Insights, растот на battery storage системите во Европа е директно поврзан со брзата интеграција на обновливите извори, падот на цените на батериите и зголемената потреба за balancing и flexibility services во електроенергетските пазари.

Истовремено, аналитичарите предупредуваат дека Европа ќе мора дополнително да го забрза развојот на батериските системи. Според SolarPower Europe, Европската Унија ќе треба да достигне околу 750 GWh нови капацитети за складирање до 2030 година за да обезбеди доволна флексибилност за електроенергетски систем базиран на обновливи извори на енергија.