НЛБ Банка во еколошка акција заедно со амбасадата на Република Словенија

По иницијатива на Словенечката амбасада во Македонија денес НЛБ Банка зема учество во рамките на еколошката акција за чистење на Марковиот Манастир и неговата околина. Настанот амбасадата го организира заедно со „Концепт – нула отпад“ со цел да се обезбеди одржливо отстранување и рециклирање на собрано ѓубре и да се подигне свеста за важноста на отстранување на отпадот и негово рециклирање.

Иницијативата за оваа еколошка акција е со поддршка на амбасадорот на ЕУ во Скопје г-дин Дејвид Гир кој иницираше вклучување на амбасадите на земјите-членки во рамките на програмата на Делегацијата на ЕУ „Денот на Европа во моето соседство“.