Лотарија на Македонија лани работела со намалена добивка

Во период 01.01.2021-31.12.2021 година ЛОТАРИЈА НА МАКЕДОНИЈА АД Скопје оствари позитивен финансиски резултат искажан во неревидираниот Биланс на успех во износ 6.472 илјади денари, што претставува намалување за 3,00% споредбено со 2020 година, информираат од компанијата преку Македонска берза.

Кај оперативната добивка во износ од 7.061 илјади денари споредбено со минатат година има намалување од 8,00%, велат од компанијата.

Во 2021 година нема промени во сметководствените политики и методи на вреднување на ставките во финансиските извештаи споредбено со последните годишни ревидирани финансиски извештаи.

Остварените вкупни приходи за период 01.01.2021-31.12.2021 година, во висина од  26.197 илјади денари,  се намалени за 7,84% споредбено со остварените приходи во 2020 година. Во структурата на вкупните приходи најголемо учество од 98,79% имаат оперативните приходи, кои за овој период се намалени за 9,00.%  во однос на претходната година. Кај финансиските приходи кои се 1,21% од вкупните приходи има зголемување за 130,00%.

Намалување од 9,36% бележат вкупните расходи, кои за период јануари – декември 2021 година изнесуваат 18.821 илјади денари. Оперативните расходи се намалени за 9,00%, а кај финансиските расходи има пад од 99,00%.

Немаше исплата на дивиденда во 2021. Со Одлука на собранието на акцонионери, добивката за 2020 година се распореди за покривање на загубите од изминатите години, велат од компанијата.