Вработени во Комерцијална банка први во фудбал на балканско ниво

Апсолутен успех на Синдикалната организација на Комерцијална банка во мал фудбал на Бофосијада 2022, спортски игри во Србија, на кои учествуваа финансиски институции од цел Балкан.

Желбата за успех и спортскиот дух се покажаа како клучни за доминацијата на вработените во Комерцијална банка на фудбалските натпревари и освојување на златниот трофеј. Фудбалерите од КБтим беа подобри од своите колеги од Ерсте банка, ОТП банка и Народна банка на Србија.

Комерцијална банка имаше свои натпреварувачи во дисциплините мал фудбал, одбојка и пикадо. Синдикатот на Комерцијална банка беше гостин на Бофос Србија – Републички синдикат на вработени во банките, осигурителните компании и на другите финансиски организации во Србија. На Бофосијада 2022 учествуваа 15 финансиски институции од Србија, Северна Македонија, Хрватска, Бугарија, Црна Гора, Босна и Херцеговина и од Романија.