Артан Сулејмани ја доби годишната награда на КХВ за 2021 за млади истражувачи

Извор на фотографија: Фејсбук профил на Artan Sulejmani

Врз основа на Извештајот од Одборот за оценување и избор на најдобар труд од областа на пазарот на капитал ( во состав: Dr. Jeton Mazllami – Професор на Факултет за бизнис и економија при УЈИЕ, Претседател, Z. Nebi Hoxha – Претседател на Стопанската Комора  на Северозападна Македонија, Член, Д-р Александра Максимовска Стојкова –  Професор на Правниот факултет ,,Јустинијан Први,, при  УКИМ, Член и Г-дин Мате Стојановски- Главен правен советник, Комисија за хартии од вредност, Член,) кој на 2 јуни, 2022 година ги разгледа, соодветно евалуира доставените  трудови и изврши рангирање и избор на најдобар труд од областа на пазарот на капитал за 2021 година,  Комисијата за хартии од вредност ги додели наградите за младите истражувачи кои учествуваа на Конкурсот за доделување на Годишна награда за млади истражувачи за најдобар труд од областа на пазарот на капитал објавен на 19.10.2021 година.
Резултатите се следни :

ПРВА НАГРАДА

 “Трансмисијата на шокови врз пазарот на капитал на Република Северна Македонија- Евалуација на ефектот на зараза за време на Глобалната Финансиска Криза и Ковид-19 “ од авторот  Artan Sulejmani;

На авторoт на прворангираниот труд  му се доделува Годишната (прва) парична награда од 35. 000 денари во нето износ.

ВТОРА НАГРАДА

“Влијанието на пазарот на капитал врз економскиот раст: Студија на случај Република Северна Македонија  од авторот Festim Fetai ;

На авторот  на второрангираниот  труд  му се доделува втората парична награда од 25. 000 денари во нето износ .

ТРЕТА НАГРАДА

  “Локалните обврзници – потенцијал за финансирање на економскиот развој” од авторката  Доротеа Трајковска;

На авторката  на треторангираниот  труд  и се доделува третата  парична награда од 15. 000 денари во нето износ.

Извештајот од Одборот за оценување за рангирање и избор на најдобрите трудови е достапен на следниот линк: https://www.sec.gov.mk/media/files/2022/final%20-%20Rezultati%20od%20Konkursot%202021%20(June-2022)-MKD.pdf
Конкурсот за доделување на Годишна награда за млади истражувачи за најдобар труд од областа на пазарот на капитал е активност која КХВ ја предвиде во Програмата за работа за 2021 година, со цел поттикнување на развојот на научната мисла и изработка на трудови од областа на пазарот на хартии од вредност, како и афирмација на млади и стручни кадри, а со тоа и зајакнување на институционалната општествена одговорност од сите аспекти на своето делување.