ЗОШТО МАКЕДОНИЈА НЕМА ЕЛИТЕН ТУРИЗАМ? – Љупчо Јаневски во „Каде се парите?“

Македонија може да понуди многу повеќе од масовниот туризам со ниски приходи. Во поткастот „Каде се парите? со Горан Теменугов“, Љупчо Јаневски, поранешен директор на Агенцијата за промоција и поддршка на туризмот, потенцира дека за вистински развој е неопходно да изградиме брендови, хотелски синџири и услуги кои ќе привлечат квалитетни туристи. Што е неопходно за да преминеме од квантитет во квалитет?

„Не може нашата држава да биде најголем туроператор и да договара  пензионери да ни дојадат во јануари, февруари и март. Да, тоа е одлично да ни дојадат, ама каде ни се скапите гости? Тие одат со скапите хотели, со скапата услуга, со скапото брендирање на дестинацијата и со она што треба да го купат во дестинацијата. Тие се некои работи кои што ние треба да ги развиваме во Охрид. Кога е Скопје во прашање, тој е диеметрално различен. Тој работи во текот на 12 месеци бидејќи е бизнис центар. Ние не можеме да го развиваме Охрид со седум линии годишно. Нас ни треба сериозни чекори кон брендирање на дестинацијата, говорам во континуитет. “

Премиерата е во четврток, во 12.00 часот на пладне, а потоа кога сакате може да не гледате на нашиот Јутјуб канал кој ќе го најдете ако во пребарување на кирилица напишете пари. Ќе ви се појавиме и тие сме.

Секако, секоја содржина што ја подготвуваме за вас е бесплатна, но затоа многу ни значи ако притиснете „сабскрајб“ и почнете да не следите. Секое добро, и се гледаме премиерно секој четврток или кога и вие да посакате потоа.