Заменик-министерот Николоски на средби во ММФ – Посветени сме на обезбедување фискална одржливост, стабилни јавни финансии и долгорочен раст

Заменик министерот за финансии Филип Николоски, кој престојува во Вашингтон, оствари средби во Меѓународниот монетарен фонд со алтернативниот извршен директор  Лук Дресе и со шефот на мисијата на ММФ  Жак Миниан.

На средбата се разговараше за економските состојби и политики во земјава при што заменик-министерот Николоски ја потенцираше заложбата на Владата на РС Македонија за обезбедување долгорочна фискална одржливост.

„Само стабилни јавни финансии можат да обезбедат долгорочен раст и развој, насочен кон подобрување на животниот стандард на граѓаните. Во наредниот среднорочен, петгодишен период продолжува определбата расходите да бидат во функција на остварување на стратешките приоритети, забрзување на економскиот раст, исполнување на интегративните процеси на Република Македонија за влез во ЕУ и обврските што произлегуваат од членството во НАТО“, истакна Николоски.

На средбата стана збор и за степенот на реализација на активностите од програмата за користење на Линијата за ликвидност и претпазливост (ПЛЛ), која  обезбедува ефективна заштита од криза за оние земји членки на ММФ кои имаат здрави економски основи, односно политики.

Заменик-министерот за финансии во рамки на престојот на Вашингтон ќе оствари средби и во Светската банка, каде ќе се сретне со  извршниот директор на СБ, Кун Давидсe директорот за човечки развој Мајкл Рутковски.