Германската берза ќе ги менува правилата поради скандалот со „Вајркард“

Германскиот берзански оператор, Дојче берза, објави вчера дека ја разгледува можноста за ревизија на правилата за котирање на акции на главниот список.

Според Ројтерс, Дојче берзата ги преиспитува правилата за членство во кошницата акции што го сочинуваат индексот на најликвидни акции „Дакс“ (DAX), во светло на сметководствениот скандал со „Вајркард“ (Wirecard), некогашната ѕвезда на германскиот ИТ-сектор.

„Довербата во пазарот на капитал очигледно страдаше во последните денови“, се вели во соопштението на Дојче берзата.