WhatsApp наскоро ќе ви дозволи да го скриете статусот ,,last seen”

Апликацијата WhatsApp во сопственост на Фејсбук, според податоци за најмногу преземани апликации минатата година, влезе во топ 5, а за да остане на таа позиција, постојано работи на подобрување.

Атрактивноста на оваа платформа за пораки беше донекаде доведена во прашање откако претходно годинава воведе нови правила за користење, како што е споделување податоци со Фејсбук. Многумина тогаш најавија бојкот на WhatsApp

Во меѓувреме, со цел да им обезбеди на своите корисници уште подобро комуникациско искуство, WhatsApp ја подобри опцијата ласт сеен односно последните активности. Досега, корисниците можеа да одберат – everyone (секој), my contacts (само контактите), или nobody (никој).

WhatsApp наскоро ќе ви дозволи да го скриете last seen од одредени контакти.

Корисниците сега ќе можат да изберат my contact except („моите контакти освен“) и на тој начин да изберат кој од листата контакти може да види кога последен пат биле активни.

Корисниците сега ќе можат да го сокријат својот last seen WhatsApp статус од одредени луѓе. Статусот „последен пат виден“ се наоѓа на врвот на разговорот, под името на лицето. Тоа ви го кажува времето кога лицето последен пат било видено на Интернет или кога последен пат било активно.