Вредноста на DOW Jones постигна нов рекорд

Вчера на Волстрит, индексот DOW Jones достигна рекорд бидејќи Конгресот конечно прифати нов пакет фискален стимул и бидејќи стравот од зголемување на инфлацијата се смири.

DOW Jones скокна за 464 поени или 1,46 отсто, на рекордни 32.297 поени, додека S&P 500 зајакна 0,60 отсто, на 3.898 поени. Индексот NASDAQ, пак, ослабе 0,04 проценти на 13.068 поени.

Растот на индексите DOW JONES и S&P 500 се должи на континуираната ротација на пазарот од технолошкиот сектор, што доведе до раст минатата година, во сектори кои треба да имаат најголема корист од новите стимулативни мерки и економското закрепнување од коронската криза.

Имено, Претставничкиот дом на Конгресот вчера го прифати последниот пакет фискални стимулации вреден 1.900 милијарди долари. Пакетот, втор од избувнувањето на кризата, вклучува 400 милијарди долари за да им помогне на повеќето Американци да добијат 1400 американски долари, 350 милијарди долари за помош на федералните и локалните власти и поголеми алокации за програмата за вакцинација.

Благодарение на ова, инвеститорите продаваат акции на технолошки компании, кои достигнаа многу високи вредности и купуваат акции во сектори како што се финансиски, енергетски и индустриски, кои треба побрзо да закрепнат кога ќе се отвори економијата.