Воздушниот сообраќај со загуба од 84 милијарди долари

Тешката состојба со вирусот во Европа го намали бројот на летови на белградскиот аеродром „Никола Тесла“.

Во моментов работат 19 авиокомпании на аеродромот „Никола Тесла“, додека минатата година имало 27 авиокомпании во исто време.

Како што велат, бројот на авиокомпании кои летаат од „Тесла“ постојано се менува во зависност од тоа како се менуваат мерките по земја

Уредникот на авио-порталот „Танго Сикс“ Петар Војиновиќ за Танјуг изјави дека авиосообраќајот продолжува да страда поради третиот врв на епидемијата на вирусот.

Тој наведува дека Меѓународната асоцијација за воздушен транспорт (ИАТА) предвидува загуба од 84,3 милијарди долари на глобално ниво во 2020 година, што претставува пад на побарувачката за воздушен сообраќај од 66 проценти.

Тој додава дека европските загуби во авиосообраќајот се споредливи со глобалните и дека падот на сообраќајот е меѓу 50 и 60 проценти, забележан преку бројот на реализирани летови.

„Сите мислевме дека забавувањето и драматичниот пад на побарувачката ќе траат само три месеци од март, кога дознавме за ковид, но тоа за жал продолжи и сега имаме една смртоносна комбинација за авионската индустрија.“ Тоа, ќе остави многу последици врз европскиот воздушен сообраќај, рече Војиновиќ.

Првата половина од годината беше релативно задоволителна во однос на очекуваното, вели Војиновиќ и додава дека зимската сезона е побавна и дека капацитетите што се користат за пополнување на летната сезона, за време на која се заработуваат најмногу профити, чинат повеќе во зима.