Водомерите вртат – Кубик вода во Скопје по ново чини 35,02 денари

За секој кубик потрошена вода скопјани ќе плаќаат по 35,02 денари. Новата цена, повисока за 3,2 денари, се пресметува од овој месец. Корекции, освен кај водата за пиење, има и кај прочистувањето на отпадните води и кај собирањето и одведувањето на урбаните отпадни води, со што во тотал растот е за приближно десет проценти.

Одлуката за ова поскапување е на Регулаторната комисија за енергетика и водни услуги, донесена на 25 август. Образложението од РКЕ за тој потег е дека реахирале поради тоа што надлежните – Советот на Град Скопје, не донел одлука во предвидениот рок, односно не ги спровело препораките за усогласување на цената.