Во Америка има повеќе патници на аеродромите за еден ден отколку во март 2020 година

Американската агенција за безбедност во сообраќајот (TSA) чекираше 1,63 милиони патници на аеродромите во Америка за еден ден.

Број на чекирани патници е поголем, од март минатата година, кога пандемијата доведе до помал интерес за летовите.

На 2 мај, 2020, само 170.000 луѓе беа чекирани на аеродромите,.

Администрацијата потенцира дека бројот на патници во авионите во Соединетите држави е за 35 проценти помал во споредба со истиот датум во 2019 година.

Американските авиокомпании додаваат повеќе летови на распоредот, очекувајќи поголема побарувачка во текот на летото.