ВО 2029 ВТОРИОТ СТОЛБ ЌЕ ПОЧНЕ ДА ИСПЛАЌА – ЌЕ СЕ ОЛЕСНИ ДЕФИЦИТОТ ВО ПИОМ – Ристо Бајатов во „Каде се парите?“

Од 1 јануари 2029 почнува првата генерација исплати од вториот пензиски столб. Актуарот Бајатов наведува дека бројот на пензионери со комбинирана исплата од година во година ќе расте и очекува постепено олеснување на дефицитот во ПИОМ. Цифрите по години ја покажуваат динамиката на префрлување на средствата. Инаку, ова го најави и премиерот Христијан Мицкоски во последното гостување во поткастот.

„Во 2029 година, на ниво на сите пензионерски друштва, ќе има грубо околу 2.300 пензионери. Таа бројка расте постојано со секоја нова генерација. Значи во 2030 година, ќе имаме 3.000 пензионери, во 2035 година, околу 10.500 пензионери годишно. Ова е на ниво на години. Ако се соберат кумулативно, тоа се многу поголеми бројки… А додека бројката во 2040 година е 16.000 пензионери годишно…

Која е бројката?

Вкупната бројка е околу 112.000.

112.000 ќе земаат и од првиот и од вториот столб. “

Премиера: четврток во 12:00 — притиснете „Subscribe“ и следете нè.