Вангел Спиров нов независен член на Надзорниот одбор на ЦКБ

Вангел Валчев Спиров е независен член на Надзорниот одбор на Централна кооперативна банка. За измените во органите на управување од ЦКБ информираат преку објава на Македонска берза.

„Ве известуваме дека на 28.11.2023 година од страна на Народната банка на Република Северна Македонија е издадено Решение со кое се издава претходна согласност за г-дин Вангел Валчев Спиров да биде именуван за независен член на Надзорниот одбор на Централна кооперативна банка АД Скопје, за период од 4 (четири) години“, се вели во информацијата од ЦКБ.

Во составот на НО се Тихомир Ангелов Атанасов, кој е и претседател, неговиот заменик Георги Димитров Константинов, членовите Христо Георгиев Христов и Јонко Петров, Светослав Мичев – независен член, како и новоименуваниот Спиров.