УРАГАНОТ МИЛТОН И ПРОБЛЕМИТЕ СО КАПСУЛАТА НА БОИНГ СЕ МИНАТО: Екипажот на Space X конечно се врати на Земјата

Crew-8 на SpaceX успешно се врати на Земјата во петокот, откако остана на Меѓународната вселенска станица (ISS) речиси осум месеци. Капсулата со екипажот падна со падобран пред зори во Мексиканскиот Залив веднаш до брегот на Флорида, откако се откачи од ISS кон средината на неделата.

Астронаутите кои беа на ИСС, тројца Американци и еден Русин – требаше да се вратат пред два месеци. Но, нивното враќање дома беше закочено поради проблемите со новата астронаутска капсула на Боинг Старлајнер, која се врати празна во септември поради безбедносни грижи.

Потоа се вмеша ураганот Милтон, проследен со уште две недели силен ветер и немирно море.

Четиричлениот екипаж, вклучувајќи ги Метју Доминик од НАСА, Мајкл Барат и Жанет Епс, и рускиот Александар Гребенкин, ја лансираа мисијата во вселената во март со ракета Фалкон 9 на SpaceX.

Тие поминаа вкупно 232 дена на вселенската станица, завршија повеќе од 3.700 орбити околу Земјата и спроведоа научни истражувања во вселенската станица.

Барат, единствениот вселенски ветеран кој отиде во мисијата, ги призна тимовите за поддршка дома кои мораа „да се препланираат, преуредат и повторно да направат сè како што треба заедно со нас … и ни помогна да се справиме со сите тие удари“.

Нивната замена се двајцата тест пилоти на Starliner Буч Вилмор и Суни Вилијамс, чија сопствена мисија траеше од осум дена на осум месеци, и двајца астронаути лансирани од SpaceX пред четири недели. Тие четворица ќе останат таму горе до февруари.

Вселенската станица сега се врати на својата нормална бројка на екипаж од седум со четворица Американци и тројца Руси по неколку месеци поминати со повеќе од предвидениот број на астронаути на неа.

(Фото: АП/Еуроњуз)