УНИ банка: Исплата на полугодишната камата од 5% за перпетуалните обврзници

Сопствениците на перпетуални обврзници од УНИ банка, на 30 август ќе ја добијат полугодишната камата. Стапката е пет проценти на годишно ниво.

Станува збор за перпетуалните обврзници од втората емисија со ИСИН MKBLBA200029 и шифра UNIPO2. Како што информираат од Банката, средствата по овој основ ќе им бидат исплатени на лицата кои заклучно со датум од 29 август се регистрирани во книгата на иматели на перпетуални обврзници во Централниот депозитар за хартии од вредност.

„Тргувањето со обврзниците во деновите 27 и 29 звгуст 2024 година ќе се реализира со пресметана акумулирана камата за 181 и 183 денови соодветно, при што купувачот при порамнувањето на 30 август и 2 септември 2024 ќе треба да му го уплати износот  на чистата цена + акумулираната камата на продавачот. При ова, купувачите ќе бидат регистрирани во книгата на иматели на перпетуални обврзници во Централниот депозитар за хартии од вредност на 30 август и 2 септември 2024, соодветно и нема да остварат право на исплата на полугодишната камата“, појаснуваат од УНИ банка.