Турската лира падна на историски најниско ниво

Турската лира ослабе за 1,6 отсто на рекордно ниско ниво во однос на доларот, откако претседателот Тајип Ердоган рече дека наредил протерување на амбасадорите од Соединетите Држави и од девет други западни земји.

Валутата достигна рекордно ниско ниво минатата недела откако турската централна банка (ЦБРТ) ја намали референтната каматна стапка за 200 базични поени, и покрај зголемената инфлација, во шокантен потег што економистите и опозициските пратеници го исмеваа како непромислен.

Лирата го достигна својот историски минимум во неделата, слабеејќи од 9,5950 во петокот. Двајца банкари ја припишаа раната слабост на коментарите на Ердоган во саботата. Валутата падна за речиси 24% оваа година, пренесува Ројтерс.

„Загрижен сум за турските пазари. Лирата неизбежно ќе биде под екстремен продажен притисок“, изјави ветеранот Тим ​​Еш од BlueBay.

„И сите знаеме дека (гувернерот на Централната банка Сахап) Кавчиоглу нема мандат да ги зголеми каматните стапки, така што единствената одбрана ќе биде да ги потроши девизните резерви што ЦБРТ ги нема“.