ТТК банка: Именувани членови на Надзорниот одбор

Нов четиригодишен мандат како членови на Надзорниот одбор на ТТК банка и официјално добиваат Бобан Гоговски, Драгица Јовановска, Евгенија Трпкоска и Михаил Петковски. За нивното именување добиена е согласност од Народната банка.

„Ве известуваме дека со решенија на гувернерката на Народната банка на Република Северна Македонија од 25.2.2025 година, е издадена претходна согласност за именување на Бобан Гоговски, Драгица Јовановска, Евгенија Трпкоска и проф. др. Михаил Петковски за членови на Надзорниот одбор на ТТК Банка АД Скопјe, со мандат од 4 (четири) години“, наведено е во објавата споделена преку Македонска берза.

Гоговски е претседател на ова тело, како претставник на основачот и најголемиот акционер на ТТК банка, „Тетекс“ АД Тетово, каде што е генерален директор. Според податоците од веб-страницата на Банката, негов заменик во Надзорниот одбор и независен член е академикот Владо Камбовски.