Триглав во првото тримесечје ја потврдува својата прогноза за годишниот деловен резултат за 2026 година

Вкупниот обем на работењето на Групација Триглав во однос на првото тримесечје од минатата година се зголеми за 14 проценти, на 633,4 милиони евра, при што главно влијание имаше силниот раст на премиите на меѓународните пазари.

Деловниот резултат пред оданочување изнесуваше 49,3 милиони евра (54,3 милиони евра минатата година), а нето деловниот резултат 39,8 милиони евра (46,1 милион евра минатата година). Имајќи ги предвид очекуваните услови за работење до крајот на годината, Триглав проценува дека во 2026 година ќе го оствари планираниот годишен деловен резултат пред оданочување, во износ од 170 до 190 милиони евра.

Комбинираниот количник изнесуваше 93,0 проценти (минатата година 88,5 проценти), додека профитабилноста од нови склучени договори во сегментот Живот изнесуваше 14,8 проценти (минатата година 11,7 проценти). Годишниот поврат на капитал изнесуваше 15,6 проценти (минатата година 19,8 проценти).

На крајот на тримесечјето, адекватноста на капиталот беше во целниот опсег, кој е поставен меѓу 200 и 250 проценти.

Целосниот извештај може да го погледнете тука.