Тимот на Стопанска Банка се врати со куп пехари од Банкарските Спортски Игри

Тимот на Стопанска Банка освои бројни награди и титули на Банкарските Спортски Игри, кои се одржаа минатиот викенд во Охрид. Според официјалните резултати на одржаните игри, екипата на Стопанска Банка има освоени први места во одбојка мажи, во стрелаштво жени, во шах, а за најдобри беа прогласени и во тенис за мажи и тенис во женска конкуренција.

Пехар за освоено второ место понесоа спортистите од машкиот кошаркашки тим, како и сребрен медал за пинг понг мажи. Тимот на Стопанска Банка има освоено трето место стрелаштво мажи. Со овие спортски успеси екипата има освоено екипно второ место на Банкарските Игри за 2022 година.

„Нашите колеги и на годинешните Банкарски игри “растурија” и не направија горди!

Нашиот тим е заслужен за сите наши успеси“, велат од Стопанска Банка и додаваат: „Но и надвор од работните места, тимот успева да покаже уште повеќе усогласеност, соработка и аспирација за победи“.