Tesla: Ова е новиот суперкомпјутер со неверојатни способности

Тесла го претстави својот нов суперкомпјутер и веднаш го зазеде петтото место меѓу најмоќните суперкомпјутери во светот. Да бидат работите поинтересни, ова е само претходникот на претстојниот супер компјутер на Тесла, Доџо, објави Денар.

Новиот суперкомпјутер на Tesla се користи за обука на неурални мрежи кои го напојуваат автопилотот на Тесла и претстојната вештачка интелигенција со целосна автономија на возењето.

Во последните неколку години, во Тесла беа јасно насочени кон компјутерската моќ и во и надвор од нивните возила. Кај возилата им е потребен моќен компјутер за да користат софтвер за автономно возење, а надвор од возилата за суперкомпјутери, со кои се практикува новиот софтвер за целосно автономно возење, напојуван од податоците што доаѓаат од сите возила на „Тесла“.

Шефот на Тесла, Илон Маск, претходно го најави проектот Доџо, кој ќе биде суперкомпјутер способен за изведување на exaFLOP (трилиони floating-point операции или трилиони основни аритметички операции на реални броеви) во секунда. Тоа ќе го направи еден од најмоќните компјутери во светот.

Тесла работи на програмата Доџо последните неколку години, а Маск досега на некој начин сугерираше дека проектот може да биде готов до крајот на оваа година.

Шефот на одделот за вештачка интелигенција на Тесла, Андреј Карпати, го откри третиот по ред суперкомпјутер Тесла на неодамнешната компјутерска конференција (2021 Conference on Computer Vision and Pattern Recognition).

Тесла ги наведе и прилично неверојатните спецификации поврзани со овој нов суперкомпјутер, според кој се наоѓа на петтото место во светот на најмоќните суперкомпјутери. Тој има:

720 нодови со 8xA100 80 GB (вкупно 5760 графички процесори)

1,8 EFLOP (720 нодови * 312 TFLOP-a-FP16-A100 * 8 gpu / a)

10 пентабајти NVME простор за складирање на податоци со брзина од 1,6 ТБ во секунда

640 терабити во секунда вкупен преклопен капацитет

Извор: Денар.мк