ТАВ МАКЕДОНИЈА: Утринава на скопскиот аеродром беа откажани два лета поради густата магла

Од 8 часот наутро до 11:30 часот два лета беа откажани на Меѓународниот Аеродром Скопје, како резултат на ниската видливост поради густата магла, соопшти управата на ТАВ Македонија. Тие додаваат дека очекуваат подобрување на временските услови во попладневните часови.

За евентуални промени во редовниот распоред на летови ги упатуваме патниците да ја следат нашата веб-страница www.skp.airports.com.mk каде што сите промени со летовите се ажурираат во реално време, како што ги добиваме во нашите системи. За итни информации, патниците можат да се јават на Шалтерот за информации на телефонскиот број: +389 2 3148 333, велат од ТАВ.