ТАВ Македонија го доби сертификатот Great Place To Work®

ТАВ Македонија, подружница на ТАВ Аеродроми, аеродромски оператор на два македонски аеродроми, Меѓународниот Аеродром Скопје и Аеродромот Свети Апостол Павле Охрид, го доби сертификатот Great Place To Work® (“Одлично место за работа”), како глобален репер за „избран работодавач од вработените“ којшто компаниите се стремат да го постигнат.

Сертификатот Great Place to Work® се доделува врз основа на обемен процес на евалуација кој вклучува темелна анализа на политиките, практиките на работното место и анонимни повратни информации од самите вработени.

Ова признание е уште еден доказ дека ТАВ Македонија е компанија која е посветена на постојано обезбедување позитивна, поддржувачка и исполнета работна средина за секој вработен.

„Многу сум горд што ТАВ Македонија го доби сертификатот Great Place To Work®. Оваа награда е потврда дека ТАВ Македонија не е само работно место, туку заедница изградена на доверба, почит и постојана грижа за нашите вработени. Ние веруваме дека зад секој успешен бизнис стојат луѓето. Признанието е за вас. Им благодариме на нашите клиенти, партнери и заедницата за нивната поддршка и доверба. Продолжуваме со уште поголема мотивација да бидеме пример за модерна, одговорна и инспиративна работна средина, создаваме место каде што луѓето сакаат да работат – и сакаат да останат“, изјави Неџат Курт, генерален директор на ТАВ Македонија.

Компанијата Great Place To Work® е глобален авторитет за културата на работното место, којашто има 30 годишно искуство со револуционерни истражувања и податоци со кои им помага на многу компании да станат одлично место за работа за сите. Се фокусира на присуството на вработените и на лидерското однесување и докажано е дека обезбедува водечки приходи во пазарни услови, задржување на вработените и робустни иновации.

Пред една година, во април 2024 година, ТАВ Македонија ја доби наградата од Vrabotuvanje.com  – „Најпосакуван работодавач во 2023 година“ во категоријата Транспорт и логистика, врз основа на интересот на потенцијалните вработени на отворените работни позиции во компанијата, како и врз основа на анкети пополнети од граѓани по случаен избор кои гласале на веб-страницата на Vrabotuvanje.com.