Годишниот состанок на Светска банка и ММФ во Мароко одложен до 2022 година

Планот за одржување на Годишниот состанок на Групацијата на Светска банка и Меѓународниот монетарен фонд (ММФ) во Маракеш во октомври 2021 година ќе биде одложен за 2022 година поради пандемија КОВИД-19, соопшти мароканската влада и двете меѓународни финансиски институции.

Годишните состаноци обично се одржуваат две последователни години во седиштето на Светска банка и ММФ во Вашингтон, а потоа трета година во една од земјите-членки, пренесува Танјуг, повикувајќи се на Ројтерс.

Заради пандемијата, годишните состаноци на Светска банка и ММФ беа одржани буквално оваа година во април и октомври.

Сè уште не е донесена одлука дали пролетната сесија во 2021 година ќе се одржи со физичко присуство на учесници или преку Интернет.

На состаноците обично се собираат околу 1.000 учесници, вклучувајќи министри за финансии, гувернери на централни банки, деловни луѓе од приватниот сектор, претставници на граѓанското општество, медиумите и академските институции.