Суспендиран најголемиот ИПО во светот, Ант Груп изгуби 76 милијарди долари за еден ден

Во шокантен потег, кинескиот регулатор ја суспендираше јавната понуда на акции на групацијата Ант, за која се верува дека е на рекордни 37 милијарди долари.

Тоа е голема и сериозна шлаканица добиена од Џек Ма, основачот на групата Ант Груп, велат кинески аналитичари. Во Кина, аналитичарите го протолкуваа овој потег како шамар на Мау, кој сакаше Ант да дејствува како технолошка компанија, а не како многу регулирана финансиска институција.

„Комунистичката партија им покажа на тајкуните кој е газда. Џек Ма можеби е најбогатиот човек на светот, но тоа не значи ништо. Наместо договорот на векот, го добивме шокот на векот “, рече Френсис Лун, извршен директор на GEO Securities.

Шангајската берза објави дека ја суспендира првичната јавна понуда (ИПО) на технолошки ориентираниот СТАР пазар, што го принуди Ант Груп да ја замрзне јавната понуда на акции во Хонг Конг закажана за четврток.

Пресвртот се случи по состанокот со кинеските финансиски регулатори во понеделникот, за време на кој на Мау и неговите врвни директори им беше кажано дека профитниот бизнис на Ант Груп ќе се соочи со построг регулаторен надзор, изјавија извори за Ројтерс, пренесе Seebiz.eu.

Настанот веќе предизвика последици на пазарот. Акциите на „Алибаба груп холдинг“, кој е сопственик на третина од „Ант груп“, потонаа 9 проценти. Во превод, неверојатни 76 милијарди долари пазарна капитализација на кинескиот технолошки гигант е избришана само денес.