Стопанска банка АД – Скопје во периодот од 21-ви април до 24-ти април ќе исплаќа субвенции за тутун

Согласно спроведената исплата на субвенциите за тутун, Стопанска банка АД – Скопје ги информира своите клиенти дека во периодот од 21-ви април (вторник) до 24-ти април (петок) 2020 година, Банката ќе им биде на располагање на клиентите корисници на субвенции од тутун, но со строго дефиниран редослед по азбучен ред и тоа:

За клиентите – физички лица според почетната буква од презимето
За клиентите – правни лица според првата буква од називот на правното лице

Од Банката напоменуваат дека за клиентите корисници на дебитни картички, средствата од субвенциите им се веќе достапни за располагање во трговија и на банкоматите.

Распоредот за готовински исплати во филијалите на Банката:

• 04.2020 (вторник) исплата за А, Б, В, Г + Д(презиме/назив)
• 04.2020 (среда) исплата за Ѓ, Е, Ж, З, Ѕ, И, Ј + К(презиме/назив)
• 04.2020 (четврток) исплата за Л, Љ, М, Н, Њ, О, П + Р(презиме/назив)
• 04.2020 (петок) исплата за С, Т, Ќ, У, Ф, Х, Ц, Ч, Џ + Ш(презиме/назив)

За оваа цел, филијалите на Стопанска банка АД – Скопје во Прилеп, Битола (Широк сокак), Радовиш и Струмица во овие денови ќе работат од 8 до 17 часот. Останатите филијали работат со веќе утвредното работно време.

За клиентите кои сепак ќе одлучат да ги посетат филијалите на банката, Стопанска банка АД – Скопје апелира да ги следат следните препораки:

• Доследно запазување на редоследот на користење на субвенциите по датум
• Да се почитуваат сите превентивни мерки во насока на заштита на јавното здравје (користење на маски и ракавици) и да се одржува меѓусебно растојание од најмалку 2 метри, за што се ангажирани и редарски службеници и
• Да очекуваат ограничен влез на клиенти во филијалите/експозитурите одеднаш со цел намалување на гужвите внатре во објектите.

Воедно, Стопанска банка АД – Скопје ги информира и сите други клиенти на Банката дека во овие денови е очекуван поголем број на клиенти, особено во посочените филијали, со цел планирање на нивните посети.