Стопанска банка Битола: До повторното именување на Миле Зечевиќ, со НО управува Гордана Гацева

Стопанска банка АД Битола преку Македонска берза информира за измени во органите на управување.

По истекот на четиригодишниот мандат, Иванчо Велјановски повеќе не е член на Нaдзорниот одбор.

Исто така, на 16 месецов истекол и мандатот на досегашниот независен член и претседател на Надзорниот одбор, Миле Зечевиќ. Затоа, од битолската Стопанска банка информираат дека до финализирање на постапката која е во тек за добивање претходна согласност од Народната банка за негово повторно именување, Надзорниот одбор донел времено решение. Односно, од членовите на НО, како заменик претседател е именувана Гордана Гацева.