Стопанска банка а.д. Битола го прослави големиот јубилеј 75 години постоење

Стопанска банка а.д. Битола го прослави својот голем јубилеј 75 години постоење, момент кој не го означува само текот на времето, туку ја нагласува и должината на посветеноста, сигурноста и стабилноста на една од првите домашни банки во земјата.

Преку одговорно кредитирање, остроумни инвестиции и добри финансиски совети, Стопанска банка а.д. Битола во текот на изминатите 75 години придонесе во целост за стабилноста и растот на заедницата на која служи.

Заедно со своите вработени, клиенти, партнери и соработници, но и со голем број на гости од финансискиот и бизнис светот во земјата, Стопанска банка а.д. Битола го одбележа овој голем јубилеј со прослави во Битола и Скопје.

„Овој голем јубилеј е огромен успех за нас, но и признание за сите вас – наши ценети клиенти, посветени вработени и лојални партнери. Тоа е одраз на довербата што ни ја дадовте за да ги заштитиме вашите финансиски интереси и ветувања дека ќе продолжиме да ви служиме со истата посветеност и во годините што доаѓаат“ – изјави м-р Александра Радевска, член на Управниот Одбор на Стопанска банка а.д. Битола.

Одбележувањето на јубилејот помина во фокусот на прославување на традицијата како најзначајна вредност создадена низ годините. Во насока на негување на истата, Стопанска банка а.д. Битола, информираше дека по повод 75 годишнината, во градот Битола ќе постави споменик на легендарниот македонски народен пејач Јонче Христовски, извонреден музички поединец чиј живот и музика имаат оставено неизбришлива трага во македонското културно наследство.

„Додека ги одбележуваме овие 75 години извонредност, возбудени сме за иднината која претстои, а во која како домашна банка остануваме посветени на нашите основни вредности на интегритет, трансарентност и фокусираност кон клиентите“ – додава г-ѓа Радевска.

ПР Објава