Стипендиите на „Македонија 2025“ стигнуваат до најдобрите кои ги исполнуваат условите

Сите ученици кои ги исполнуваат условите, пред се да се талентирани и да се од посиромашни семејства, ќе ги добијат стипендиите бидејќи една од мисиите на невладината „Македонија 2025“ е да ја смени перцепцијата дека за да се добие некаква помош, потребни се врски.

Извршната директорка на оваа организација, Никица Мојсоска Блажевски во поткастот „Каде се парите“ со Горан Теменугов, вели дека не треба да има сомнеж околу стипендиите, бидејќи во приватниот сектор ако некому сака да му се даде нешто, нема потреба да се објавуваат огласи. Едноставно, би можеле да финансираат кого сакаат, но тие одбрале дека стипендиите треба да одат кај најзаслужните, а од друга страна со ваквиот чесен и транспарентен пристап ќе им покажат на иселениците дека ако сакаат да помогнат во државава, најсигурен канал за тоа е „Македонија 2025“.

Целиот поткаст достапен на следниов линк: Каде се парите? #S02E05 | Мојсоска – Блажевски: Корупцијата може да се сузбие. (youtube.com)