Според Банката на Америка Кина ќе стане најголема светска економија до 2028

Економист кој работи во Банката на Америка, Хелен Киао, рече дека Кина има големи шанси да ја удвои големината на нејзината економија до 2035 година и патем да ги надминува САД како најголема економија во светот.

Двојно зголемување на БДП на Кина, бара просечна годишна стапка на раст од 4,7 проценти во следните 15 години – нешто што според некои аналитичари е тешко да се постигне. Киао, одговорен за азиските економии во Глобалното истражување на Банката на Америка, рече дека некои реформски мерки ќе и помогнат на Кина да го постигне тоа.

„Сметаме дека Кина може да го оствари тоа“, рече таа за Си-Ен-Би-Си. Покрај двојно зголемување на БДП, азискиот економски гигант би ги надминал САД како најголема светска економија во 2027 или 2028 година, предвидува Киао. Официјалните податоци покажуваат дека кинеската економија минатата година се зголемила за 2,3 проценти, а Меѓународниот монетарен фонд за Кина годинава предвидува раст од 8,1 процент.

Во меѓувреме, американската економија се намали за 3,5 проценти во 2020 година, според најновите проценки на владата. ММФ соопшти дека економијата на САД годинава може да порасне 5,1 процент.